सुन्दर नेपाल आमा – विनोद चौधरी ‘बिन्दु’

नेपाल आमा अति नै सुन्दर हिमाली काखमा

नेपालीलाई बास र गास दिइन् पहाडी पाखामा

यो चिसो हावा र चिसो पानीले जीवनदान दिने

दक्षिणको समथर मैदानले हामीलाई अन्नले भरिदिने

लाली गुराँस फूल फुल्छन् पहाडी वनैमा

डाँफे र मुनाल नाच्छन्, गाउँछन् हिमाली भिरैमा

यहाँका नदी र नालाहरु हिमाली, पहाडी र तराइमा रहेका

छङछङ गरी उत्तरदेखि दक्षिण भेक

उच्च हिमाल सगरमाथाले विश्वलाई हेर्दछ

पहाडबाट कलकल गरी झरना झर्दछ

नेपालआमा अति नै सुन्दर हिमाली काखमा

नेपालीलाई बासगास दिइन् चीन र भारतकै माझमा ।

First published by Rupandehi Campus in Sadhana वार्षिक मुखपत्र in 2003.