हामी नेपाली – मधुसूदन खनाल

अधुरो यो जीवनमा

केही गरी देखाउनु छ

चोट लागेको मातृभूमिलाई

मलमपट्टी लगाउनु छ ।

 

पहिले कस्तो थियो हाम्रो देश

अहिले कस्तो भएको छ

किन आफ्नै दाजुभाइमा

लगाई-झगडा चलेको छ ।

 

कति सपना थियो हामी नेपालीको

विकसित देश बनाउनलाई

तर हाम्रा सबै सपनाहरु

अधुरामा नै बितेका छन् ।

 

बाउबाजेको सपना

सारा भताभुङ्ग लथालिङ्ग भएछ

पवित्र यो मातृभूमिमा

लडाई झगडा चलेको छ ।

 

त्यागिदिऊ हामी सबै नेपालीले

हत्या र हिंसा सधैं सधैंलाई

अबदेखि अगाडि बढौं

हामी देशको विकास गर्नलाई ।

 

First Published by Rupandehi Campus in वार्षिक मुखपत्र साधना in 2059 BS