रुपन्देही क्याम्पसको १२औं क्याम्पस सभा सम्पन्न

रुपन्देही– रुपन्देही क्याम्पसको १२औं क्याम्पस सभा सम्पन्न भएको छ। शनिबार क्याम्पसको सभा हलमा एक कार्यक्रम गर्दै क्याम्पस सभा सम्पन्न भएको हो।

सभामा क्याम्पस प्रमुख एवं क्याम्पस सञ्चालक समितिका सदस्य सचिव लक्ष्मण ज्ञवालीले क्याम्पसले गरेको वार्षिक गतिविधी र आर्थिक विवरणको प्रतिवेदन प्रस्तुत गरेका थिए।

कार्यक्रममा संविधान सभा सदस्य आदित्य नारायण कसौधनले रूपन्देही क्याम्पसले रूपन्देही क्षेत्रमा स्थायित्व कायम गरेको बताउदै आगामी दिनमा पनि यस्तैगरी एक आपसमा मिलेर क्याम्पसलाई एक नमुना क्याम्पस बनाउन सबैले आफ्नो जिम्मेवारी कुसलता पुर्वक निभाउनु पर्ने बताए।

रुपन्देही क्याम्पस संचालक समितिका अध्यक्ष डा. रामप्रसाद बस्यालले शिक्षामा राजनीति नगर्न आग्रह गरे। शिक्षानै सर्वोपरी धन भएको हुँदा शिक्षामा राजनीति गर्नु गलत हाे। शिक्षामा कसैले पनि राजनीति नगराैँ। उनले भने।

रुपन्देही क्याम्पस सभाका सदस्य प्राध्यापक डा. गितु गिरीले रूपन्देही क्याम्पसको इतिहास गर्बिलो भएको बताउदै शिक्षाको गुणस्तरमा कुनै हेलचेक्र्याँइ नगर्न आग्रह गरे।

कार्यक्रममा डिल्लीराज भट्टराई, हुतानन्द खनाल, राजेश राज जोशी, अस्मिता अधिकारी लगायतले मन्तव्य राखेका थिए भने मिन प्रसाद शर्माले कार्यक्रम सञ्चालन गरेका थिए।

सभामा रूपन्देही क्याम्पस सभा सदस्य, छात्रवृत्ति कोष स्थापना गर्ने छात्रवृत्ति दाता लगायतको सहभागिता रहेको थियो।